Mae Kevin Davies newydd ddechrau ar ei swydd fel Prifweithredwr Menter Iaith Rhondda Cynon Taf. Mae Kevin, sy’n dod o gefndir darlledu yn edrych ymlaen yn fawr iawn am yr her sydd yn ei wynebu:
“ Mae hi’n mynd i fod yn newid byd enfawr, ond yn newid rwy’n edrych ymlaen ato. ‘Rwy hefyd yn edrych ymlaen at yr her o gynnal holl weithgareddau’r Fenter fel y mae nhw ar hyn o bryd, a mewn amser datblygu’r Fenter fel bod hi’n parhau i gyflawni’r nôd o fod yn gefn ac yn sbardun i holl Gymry Cymraeg y Sir.

Noson o sgwrsio a blasu caws Cymraeg yn y Cwtch yn Hoffi Coffi? Trefforest, Pontypridd dyna fu Cwlwm Busnes yn gwneud ar 3 Mehefin. Lleoliad hwylus i'r orsaf drên a coffi blasus iawn. Sgwrs ddifyr gan Royston O'Reilly perchennog Hoffi Coffi? - pam fod hi'n bleser ac yn synhwyrol i ddefnyddio'r Gymraeg mewn busnes. Caroline Mortimer yn esbonio ychydig am ei gwaith fel Swyddog Iaith yn RhCT a sut mae modd cael gohebiaeth y Cyngor yn Gymraeg. Dosbarthwyd llyfrynau bach gyda rhifau cyswllt llinellau Cymraeg - mynwch gopi nawr!

Mae trefniadau ar y gweill ar gyfer dathliad o fywyd Cymraeg yr ardal ym Mharti Ponty 2008.
Cofiwch y Noson lawen ar nos Iau 3 Gorffennaf a'r parti mawr ei hyn ar ddydd Sadwrn 5 Gorffennaf ym Mharc Ynysangharad.

Cafodd Cymdeithas Gymraeg Y Maerdy ei gydnabod am ei waith amhrisiadwy yn hybu'r iaith Gymraeg yn Noson Wobrwyon Gwirfoddolwyr 2008 Interlink ar 13 Mehefin 2008. Ennillon nhw'r categori Hybu'r Gymraeg, a noddwyd gan Fwrdd yr Iaith.

Dechreuodd y Gymdeithas dros 4 mlynedd yn ôl gyda chymorth Menter Iaith a Cymunedau'n Gyntaf Y Maerdy, ac wedi tyfu a datblygu i fod yn werth cyfranogol i'r Gymraeg yn ardaloedd Y Maerdy a Glynrhedynnog, Rhondda

Aeth Marion Griffiths, cadeirydd y grwp, ymlaen i dderbyn y wobr a gyflwynwyd gan Jane Davidson, Aelod y Cynulliad. "Mae'r grwp wrth ei bodd a'r anrhydedd yma. Rydyn yn falch iawn o'n iaith ac yn awyddus iawn i'w hybu ar bob achlysur". Ymhlith y gwaith da mae'r gymdeithas wedi cyflawni roedd noson i ddathlu Gwyl Dewi i'r gymuned lle chafodd pawb hwyl gyfrwng y Gymraeg.
Mae'r grwp yn cwrdd yn Nhy Teifi ar Boreau Lun 11.00-12.00.
Dyma'r cais enwebedig aeth i mewn -
Gwnaeth y grwp yma cyfraniad pwysig iawn i’r gymuned yn Y Maerdy trwy drefni gyngerdd Dydd Gwyl Dewi. Trefnwyd noson o adloniant i’r cyhoedd yn cynnwys côr YGG Llyn y Forwyn, telynydd, Nia Glyn Thomas o YGG Y Cymmer a chwmni Sglein a wnaeth cyflwyniad Ymwybyddiaeth yr Iaith Gymraeg. Ar ôl y cyngerdd roedd lluniaeth ysgafn ar gael.Cynhaliwyd y noson yn ddwyieithog i sicrhau bod pawb yn gallu deall a mwynhau.Roedd y noson yn gyfle gwych i rhwng cenhedloedd mwynhau amser gyda'i gilydd heb anawsterau ieithyddol. Bu Cymdeithas Cymraeg y Maerdy yn llwyddiannus wrth ennill grant o Interlink. Roedd hyn yn golygu bod unrhyw rwystrau ariannol wedi ei diddymu sydd yn gallu bodloni mewn ardaloedd Cymunedau'n Gyntaf. Roedd Ty Teifi dan sang ar y noson a chawsant adborth da iawn yn ôl o’r cyhoedd yn gofyn am fwy o gyfleoedd fel hyn i'r teulu i gyd mwynhau.